شوية كلام

هو الموضوع عبارة عن شوية كلمات كاتبها واول مرة اوريهم لحد او اكتبهم فى منتدى
هى ممكن تنفع اغانى وممكن لا وممكن تكون محتاجة تعديلات على العموم اهو مجرد كلام وخلاص ....
المهم انا كتبت اغانى كتيييير هاحط واحدة منهم النهاردة اتمنى للى يشوفها يقول راية بصراحة
ولو فيها غلطات يقول ولو وحشة خالص يقول بس مايتريقش مابحبش حد يتريق عليه ....
معلشى طولت نروح للاغنية بقى .



كان بينا كلام كتير كان فى حاجات لسة مانستهاش ، ضحكتها نظرتها لينا دى حاجة ياقلبى ماوصفهاش ،
صوتها ولمسة ايديها حنان الدنيا انا شوفتو فى عنيها ليه ياقلبى مانستهاش .
ليه ياقلبى عايش على ذكريات ماكنت تنساها وابدا من جديد ، حكاية وراحت لسة انت ليه وحيد ،
عمال بتفكر فيها وزمان كنت بتقول نَسِيها ياريت تنساها وماتفتكرشى الى فات .
كان بينا كلام كتير كان فى حاجات لسة مانستهاش ، دلوقتى بنشوف صورتها ياقلبى قدام عنيا ترجع تفكرنا الى فات ،
بنحبها وخلاص مابقاش بينا حكايات ، لسة ليه بنسال عليها وعاملة ايه الدنيا فيها ياريت كان ينفع نرجع الى فات .
كان بينا كلام كتير كان فى حاجات لسة مانستهاش ، كان فى حاجات جوانا ليها ياقلبى كان نفسنا نقولًهَا عليها ياله ادينا
عايشين نحلم بس بيها وكفايا علينا الذكريات .