بسم الله الرحمن الرحيم
الجمعة 29 – 8 – 1430
رواية : عشاق المملكة
رواية فيها كل أنواع الدراما أكشن - رومانسية - هبال كل شيء يخطر بعقلك
الشخصيات الأولية :
الجد / بو عبدلله وهو من العوائل المحترمة ومن أغنياء المملكة ..
الجدة / أم عبدلله ربة منزل وهي من عائلة عريقة ولها مكانتها الكبيرة بين الناس ..
{ عياااااالهم }
-1 الأول 1-
بوفارس : يشتغل مع أبوه وماسك أكبر الشركات عندهم
أم فارس : دكتورة أد الدنيا وعندها عيادة خاصة فيها
{ عياااالهم } :
فارس / عمره 23 سنة متخرج من كلية التجارة ودايم يحب الضحك و الفرفشة
نادر / عمره 20 سنة يفحط بكلية الهندسة حلم حياته أنه يكون مهندس معماري وبنفس الوقت حبوب وما ينمل منه في الجلسة
ملاك / عمرها 20 سنة توأم نادر .. سنة أولى في الجامعة قسم الفنون << رسامه
وهي تعد من أجمل بنات العايلة حبوبه ودايم تضحك وإذا زعلت ياويلكم منها << شرسه لأخر درجه
ريم / عمرها 18 سنة في ثاني ثانوي أكبر نصابه في العايلة وهبله لأكبر درجة ودايم مقالبها ترجع لها
لكنها حبوبه ومسوالفجيه << يعني هذره
صفاء / عمرها 15 سنة أولى متوسط وهي حبوبه ومسالمة لكن لسانها طويل شوي ودايم الضحية إذا تهاوشت مع ريم
..
-2 الثاني 2-
بو سلمان / ثاني الأخوان .. ويساعد أبوه مع أخوانه بالشركة
أم سلمان / ربة منزل مسالمة وحبوبه مع الكل
{ عياااااالهم } :
سلمان / ميت من كان عمره 5 سنين
هزاع / عمره 24 سنة يساعد أبوه في الشغل وهو مثل كل أبناء العايلة حبوب ويضحك
فهد / عمره 21 سنة ويدرس في كلية التجارة سنة ثالثة لكنه ماراح يشتغل مع أبوه مثل الشباب راح يفتح له فرع خاص محلات في أحد المولات في الرياض وهو حبوب
ندى / أخر العنقود عمرها 19 صديقة ملاك الروح بالروح في ثالث ثانوي أدبي ودايم ضحك وفرفشة مع الكل
-3 الثالث 3-
بو محسن / الولد الثالث للجد وهو ماسك أحدى الشركات الكبيرة وكلمته مسموعه عند الكل وهو طيوب لكن ما يسمح بالخطاء
أم محسن / صاحبة شأن وهي مديرة الفرع النسائي في إحدى مشاغل عمل الديكورات المتطورة
وهي مسالمة وطيوبة
{ عيااااااااالهم } :
محسن / عمره 24 سنة ويساعد جده وأبوه لكن أكثر الوقت مع جده وهو مثل باقي الشباب طيوب وعلى نياته
محمد / عمره 19 سنة وهو في ثالث ثانوي أدبي وهو واحد داشر مثل صاحبه نادر لكن بنفس الوقت ماتمل من قعدته من طيبته الزايدة
روان / عمرها 18 سنة صاحبة ريم في كل مكان مع بعض ودايم فرفشة وهواش مع ألي جاي وألي رايح لكن طيبه
الجوري / عمرها 16 سنة طوال لسانها مسوية لها مصايب وتحب تحشر نفسها في ألي يخصها وألي ما يخصها ونكادية دايم تطلع في وجهك لكن حبوبه ودايم ضحك وفرفشة وخاصة مع العجز
عيسى / وهو أصغر واحد بالعايلة مافي غيره عمره 9 سنين ودايم يضحكون عليه
-4 الرابع 4-
الأخ الأخير وهو أغنى واحد << حلال منفرد
نـــواف
بو راشد / يعد أكبر تاجر في الخليج العربي وهو يمثل المجلس العربي في العالم
أم راشد / الله يرحمها ميته
{ عياااااااااالهم }:
راشد : عمره 22 سنة أكبر مغازلجي في العالم ودايم يقضي أوقاته في دول أوربية وزود يشتغل نائب في البرلمان السعودي << بواسطة أبوه طبعاً
جنى : عمرها 20 سنة دافووووره ومسالمة بالقوه وطيووبه وألي في يدها مو لها
منار : عمرها 17 سنة شريه لأبعد حد ودايم تحط أهلها في مواقف حرجه مع الناس
لكن طيوبه وماتسمح لأحد أنه يهينها
البارت الأول
كانت كل العايلة في بيت أبو فارس ..
كان أبو فارس مسوي عزيمة لجميع العايلة وكان الحضور كثيييير
حيييييييل من الأعمام طبعااااا
كانوا منسجمين جميعاً في مجلس الرجال
نادر : ألا أقول وش رأيك محمد نطلع بكره السوق نتـــ
قاطعه فهد
فهد : أقول تتسوق هاه ألا قول نغز يحمار
محمد : وأنت وش دخلك
فهد : ترى جدي وعمامي قرااااب مني أوريك وش دخلني
نادر : أوووووف من هذا الحشري
* *
*
*
بو سلمان: ألا اقول يبه وش رأيك نسافر هذي السنة
الجد : لا لا لا ياوليدي هذي السنة خلونا هنا خل نركد
بو محسن : ههههه يبه وش نركد ترى إذا أنت قلت كذا البقيه بينفجرون ههههه
الجد : والله بكيفهم أنا قلت مافي يعني مافي خلاص
محسن : ألا أقول جدي طيب وش رأيك نروح المزرعة أسبوع أو أسبوعين نغير جووو
الجد : هههههه والله مايفهمني غيرك يامحسن والله رجال من ظهر رجـ
قاطع الجد صوت واحد صغير والجد متعود عليه
عيسى : لا لا جدي يعني بث محثن هو الرجال وحنا وثو حمير
الجد : أولا إذا الكبار تكلموا لا تقاطعهم زيين ياوليدي وثاني شي أيه رجال غصب عن خشمك
**
*
**
وصل لأرض الوطن وعلى ظهره شنطته الصغيرة ألي دايم معاه ويجر العربه ألي فيها شنطتين
أول مادخل وسط المطار أنتبهوا له أثنين كان باين عليهم أنهم أحد أفراد منظمة أرهابيه ..
راحوا له ودام بينهم كلام قرابة ربع ساعه وبعدين الأثنين بعدوا عنه
طلع من المطار وهو يتوجه إلى أحد التكاسي قاطع تفكيره صوت فرامل سيارة تسرع طالع جهة السيارة شاف واحد طالع من النافذة وبأيده مسدس وطلق عليه النار .. تفادى أول رصاصتين لكن الثالثة أصابته في كتفه .. صاحب السيارة هرب والناس أتجمعت على الشخص ألي مصوب بالرصاص ..
الساعة حوالي 10 بعد العشى بنص ساعه
عند قسم ملاك
: هههههه أدري من دوني أنتم ضايعين
ريم : لاحول هذي مصدقه نفسها بزيادة
قاطعها صوت ندى : يحق لها بنت عمي
ملاك : واااااي هذا ألي ياخذ العقل مو مثل ريموه
ندى : يلوموني ليه أموت فيك
روان : أقول أنتي وياها كافي رومانسية زايدة
الجوري : شوفوا مين يتكلم عن الرومانسية ألي 24 ساعه غاثتنا بالأفلام الرومانسية
روان : أووووووووف أنتي مدري من وين تطلعين
ملاك : أقول بلا خربشه وكلام فاضي خل نروح عند ماماتي وجدتي
الكل : بعد اشوي
**
*
*
فارس : ألو
: ألو السلام عليكم
فارس : وعليكم السلام
: معي فارس
فارس : أيوه نعم معك فارس مين معي ؟!؟؟
: معك مستشفى الأمان بالرياض
فارس : طيب وش فيه ؟؟؟ مين ألي بالمستشفى ؟؟
: واحد أسمه ريان الخيال لقينا رقمك عنده قلنا يمكن تعرفه
فارس { بصدمه كبيره } : ووووش فيييييييه ؟؟؟؟
: تعال وتعرف السالفه
فارس : طيييب طيران عندك
سكر فارس من المكالمة وأول صوت سمعه
الجد : فارس مييين ألي بالمستشفى
فارس : ياجدي هذا واحد من الشباب
عن أذنكم بروح له
الكل : أذنك معك
**
*
فارس ركب سيارته وهو مو فاهم حاجه
***
**
**
*
بعد نصف ساعة وصل عند المستشفى
أول ما أستقبله كانت بوابة كبيرة حييييييييل
وكان حولها كأنه معسكر للجيش رجال كثيييير من الشرطة ومن الجيش ومن جميع المناحي والأستعلام والأخبار
أول مانطق كان واحد من أفراد الشرطة
: لو سمحت أنزل من السيارة هويتك
نزل فارس
بعد تفتيش في السيارة حوالي ثلث ساعه
طلب منه الشرطي أنه يركب السيارة ويدخل جووووا
دخل و أستقبله شخص
: مرحبا أنت الأخ فارس
فارس عرف هذا الصوت
: أيوه أنا أنت ألي كلمتني قبل أشوي
: أيه نعم
فارس : وش السالفة ؟؟
الرجال أبتسم أبتسامه صفراء
: أنشاء الله خير تفضل معي
مشو الأثنين لوسط المستشفى
فارس شاف ألي في السرير الكبير وبجانبه الكم الكبير من المعقمات والربطات حول جسمه كله ..
**
*
**
الرجال : هذا هو ريان الخيال
راح أسألك سؤال هو له أعداء
فارس : والله ما أدري أنا علاقتي فيه صحيح قويه بس هو مسافر من زمان لكن أتصل ويتصل علي
حتى مره من المرات سافرت لعنده أما إذا كان عنده أعداء ما أدري بس لو سمحت وش السالفة قلي
الرجال : الأخ ريان تعرض لعملية أغتيال
هناااااااااا فارس أنصدم وطاح من الصدمه : أيييييييش أغتيال
**
**
*
