الفقــــيده ... قصيدة رثاء في الشيخ عبدالرحمن بن سعيد رحمه الله ....

[size=25]
/
/
/
/
الموت له هيبه على كل الاحوال
ومافيه ميت نقدر انا نعيده

مايعترف بملوك/ ورموز/ وابطال
خوفه يكدر/ كل لحظه سعيده

والادمي / رحال / ماهوب حلّال
والقبر مايخفى علينا وعيده

والعمر بالتوقيت/ محدود لو طال
واقدار ربي / ماتضايق عبيده

يارحمة الله / عد ماهل همال
على الفقيد / اللي يسمى فقيده

ابو مساعـد / طيب الفعل/ والفال
راعي المواقف / والعزوم الأكيــده

امضى حياته /يخدم اجيال واجيال
واسرج عزومه / والهقاوي بعيده

ضحى مدى التاريخ/ بالحال والمال
واسقى (هلال امجادنا) من وريده

نتذكره لاصاح جمهور ياهلااال ...
ولاقرينا المنجزات الفريده

ونتذكره لامر /الأزرق على البال
وكل ٍ لربه بالدعا / يرفع ايده

ماكل زولً / نلتقي مثله ازوال
ولاكل مفقودً / يسمى (فقيده )

لكن مؤسس (نادي المجد) لازال
في سيرته تظـهر معاني عديده

الطيب /والهمه / وترتيب الاقوال
والصبر في وقت الظروف الشديده

يشهد له التاريخ لو قال من قال !!
وتشهد له ايام الهلال المجيده

واليوم لوننزف من الدمع شلال
ماتنطفي ( نار الفراق) الوقيده

رحل ..! وكل انسان لابد رحال
من بعد سيره / بالمأثر مديده

ماهوب محتاج ٍ لذكرى وتمثال
يحتاج دعوه يا العقول الرشيده

دعوه /بعد ماغيّبه قبر ورمال
لعل في/ دعواتنا مايفيده

ياربنا / يامنتهى كل الامال
ياللي بعثت الهاشمي بالعقيده

تنجيه في يوم القيامه /والاهوال
وفي جنة الفردوس / ترفع رصيده

وتضاعف احسانه بميزان الأعمال
وتدمح قديم الذنب والا جديده

وتِنزْله / ياربنا/ خير منزال
ومن مكرماتك يالهي تزيده

عبدك ولد عبدك شهد لك بالأجلال
وانت الذي تحكم بشيئاً تريده

وتختم لنا الدنيا على خير الاحوال
وكل مؤمن تلحقه / مايريده

ششوككرآآ عع ـلى لـممسستكك الـآبدآآعع ـية

» قصدية في رثاء أبو مسلم رحمه الله
» سلسلة الكتاب الكبير ":لفضيلة الشيخ:" حسن سعيد السكندري
» أبو بكر الصديق خليفة رسول الله (4)_عبدالعزيز بن عبدالرحمن الشثري
» أقدم لكم اليوم أربعة مناظرات للشيخ أحمد ديدات رحمه الله بجودة ممتازة
» أسماء الله الحسنى في قصيدة رائعة