معظمنا بيعمل حاجات من غير ما يعرف ليه
زي :-
لما تدخل البيت اى حد قاعد يقول لك
انت جيت يا عدوي ؟؟؟!
لأ لسه مجتش انا قولت لنفسى روحى انتى و هلحقها بعد شوية
كلنا بنعمل كلنا بنعمل كلنا بنعمل
زيها لما تصحا و يشوفوك يسألوك
انت صحيت يا مدهّوّل ؟!
لأ لسه دا بجرب نفسى و انا صاحى انما انا نايم جوه اهو
كلنا بنعمل كلنا بنعمل كلنا بنعمل
ليه لو كنت في خناقه مع حد وراح شتمك تقولوا.....
انت بتشتم مين؟!!
هو في حد غيرك بيتخانق معاه ولا انت بتستوعب الشتيمة
كلنا بنعمل كلنا بنعمل كلنا بنعمل
*ليه بعد ما نشرب كانز البيبسي ونخلصها نهز العلبه؟؟
>>يعني مستنى عفريت يطلعلك من الكانز يقولك مبروك كسبت كمان شفطه ..؟؟!!
كلنا بنعمل كلنا بنعمل كلنا بنعمل
*ليه اذا اتأخر الاسانسير نضغط اوى على الزرار ومنشلش ايدينا من عليه؟؟؟
>>يعني كده خلاص هيحس على دمه و ينزلك اسرع
كلنا بنعمل كلنا بنعمل كلنا بنعمل
*ليه اذا شفنا على حيطه او عامود نور عبارة:
احترس من الدهان...مانصدقش ونجرب بالصوباع؟؟..
>> يعني لازم يحلفوا عشان نصدق بوقهم ..؟؟!!
كلنا بنعمل كلنا بنعمل كلنا بنعمل
* ليه اذا كانت بطارية الريموت كنترول ضعيفه نضغط بقوووووه على الزراير؟؟؟؟
>>يعني هو كده هنشحن البطاريه؟؟!!!
كلنا بنعمل كلنا بنعمل كلنا بنعمل
*ليه بنوطي صوت الكاسيت في العربية او الاسكوتر اذا كان الطريق زحمه او لو تهنا؟؟؟
>>يعني كده الطريق هيفضى ولا هنعرف فين الطريق ؟
كلنا بنعمل كلنا بنعمل كلنا بنعمل
*ليه لما بنكون قاعدين في مكان عام ونسمع رنة مسدج ولا رنة موبايل على طووول نشوف موبايلنا؟؟
يعنى انت مثلا مش عارف رنة موبايلك عشان كل ما واحد يرن تبص عندك؟؟
كلنا بنعمل كلنا بنعمل كلنا بنعمل
*ليه اذا لعبنا بلاي ستيشن (لعبة عربيات ولا موتوسيكلات) نلف مع العربية
يمين ويسار؟!!
كده مش هنخسر يعني!!!
كلنا بنعمل كلنا بنعمل كلنا بنعمل
* ليه إذا جينا نشكر واحد على موضوع حطه بالمنتدى نمد الحروف ونكتب
مشكووووووووووووووور
يسلموووووووووووووووو
<<< يكون كده شكرناه من القلب يعني ؟!!!
كلنا بنعمل كلنا بنعمل كلنا بنعمل
ليه لو ماشي في شارع وحد وراك بينادي علي واحد تاني خالص تبص وراك؟؟؟
خلاص ياعني بينادي عليك انت بس غلط في اسمك!!!!
